Urmiye Gəlini Qoşuqu

Bürüyüb ğəm- kədər Azər elini
Can üstə düşübdür Urmu gəlini
Ətəş qavurmaqda ağzı- dilini
Bir içim su verin Allah eşqinə!

Kəsilən umuddur, quruyan qandır
Çölləşən göl deyil, minlərcə candır
Qoymayın qurusun mandır, amandır
Bir içim su verin Allah eşqinə!

Yalnız bir göl deyil başı kəsilən
Şor xatirələrdir xatirdən gedən
Ürəklərimizdir şəhid edilən
Bir içim su verin Allah eşqinə!

Səssiz ıldırımlar şaxacaq həlbət
Susuzluq kökünü qazacaq həlbət
Zolaqlar sel olub axacaq həlbət
Bir içim su verin Allah eşqinə!
Urmu Gəlini - Qoşar: Sayın Susən Rəzi

Urmiye Gölü Duluz Gəlin üçün bir Şer

Dadsız qalan duzlu gəlin
Duru mavi gözlü gəlin
Urmunun ağdun balası
Göz göz olan can yarası


Ağ qanadı sınan milk
Yarpaq yarpaq solan çiçək
Buludları sürgün olan
El obası üzgün olan
Gür çayları azdırılan
Qara bəxti yazdırılan
Irmaqları dostaq olan
Dalğaları duzlaq olan


Quduz yadlar qorqusunda
Tülkülərin pusqusunda
Ağ xələti biçilmədə
Son bardağı içilmədə
Ahay
Ahay
Mavi gözlü urmu gəlini
Üzmə yurdundan əlini


Göz yaşımız sel olmada
Ürək qanı göl olmada
Qanaları qanın verir
Balaların canın verir
Sən elimin əzizisən
Azərbaycan dənizisən
Səril ana yatağında
Can urmunun qucağında
Dalğaların nəğmə desin
Qutlayaq qurtuluş yazın


Qoşaq üçün Qaynaq: Elmira Yarpız Yarpağı Adlı bir Arxadaşımı saya bilərik.nədən? buna Görə ki mən onun özəl səhifəsindən almışam. bir zaman bu qoşuqa sahib çixsa adını lütən burd yazsın mən yazıya artirim.